Timber by EMSIEN-3 LTD

Nga -

Bazuar në të dhënat e Komunës së Rahovecit, vlera e dëmit nga të ftohtët në total arrin çmimin e rreth tre milionë eurove.

Ulja e temperaturave një muaj më parë, fermerit Gani Krasniqi, ia ka dëmtuar mbi një hektar hardhi rrushi.

Krasniqi thotë së vlera e dëmit në bazë të vlerësimit që i është bërë nga Komisioni komunal konsiderohet të jetë katërmijë euro.

Ai tashmë e di se nga dëmtimi që ka pësuar hardhia nuk ka prodhim, për çka nuk do të ketë asnjë cent fitim.

Përveç këtij fermeri, janë edhe shumë bujq të tjerë, të cilët kanë pësuar dëme të mëdha si në pemëtari, ashtu edhe në perimtari.

Bazuar në të dhënat e kësaj komune, vlera e dëmit në total arrin çmimin e rreth tre milionë eurove.

Komuna po e pret Ministrisë e Bujqësisë për kompensim, pasi nuk ka mundësi që vetë t’u dalë në ndihmë atyre, raporton KTV.

Në Ministrinë e Bujqësisë thonë se po i presin raportet nga të gjitha komunat për të dalë me një shumë totale të dëmit të shkaktuar në tërë vendin, ku më pas edhe do të ndahen mjetet për kompensim.

Ngricat e prillit, dëme në bujqësi shkaktuan edhe në komunën e Malishevës, e të cilat arrijnë shumë e 500 mijë eurove.

Nga -

Bazuar në të dhënat e Komunës së Rahovecit, vlera e dëmit nga të ftohtët në total arrin çmimin e rreth tre milionë eurove.

Ulja e temperaturave një muaj më parë, fermerit Gani Krasniqi, ia ka dëmtuar mbi një hektar hardhi rrushi.

Krasniqi thotë së vlera e dëmit në bazë të vlerësimit që i është bërë nga Komisioni komunal konsiderohet të jetë katërmijë euro.

Ai tashmë e di se nga dëmtimi që ka pësuar hardhia nuk ka prodhim, për çka nuk do të ketë asnjë cent fitim.

Përveç këtij fermeri, janë edhe shumë bujq të tjerë, të cilët kanë pësuar dëme të mëdha si në pemëtari, ashtu edhe në perimtari.

Bazuar në të dhënat e kësaj komune, vlera e dëmit në total arrin çmimin e rreth tre milionë eurove.

Komuna po e pret Ministrisë e Bujqësisë për kompensim, pasi nuk ka mundësi që vetë t’u dalë në ndihmë atyre, raporton KTV.

Në Ministrinë e Bujqësisë thonë se po i presin raportet nga të gjitha komunat për të dalë me një shumë totale të dëmit të shkaktuar në tërë vendin, ku më pas edhe do të ndahen mjetet për kompensim.

Ngricat e prillit, dëme në bujqësi shkaktuan edhe në komunën e Malishevës, e të cilat arrijnë shumë e 500 mijë eurove.

Nga -
????????????????????????????????????

Shpargu (asparagusi) është një produkt bujqësor, i cili kohëve të fundit po kultivohet edhe në Kosovë. Ky produkt që përdoret shumë në kuzhinë, vlerësohet edhe mjaft i shëndetshëm.

Kultivimi i shpargut në Kosovë ka nisur falë një partneriteti mes Ministrisë së Bujqësisë, Pylltarisë dhe Zhvillimit Rural (MBPZhR) dhe USAID-it në Kosovë. Të dyja këto institucione në bashkëpunim edhe me Ambasadën amerikane në Prishtinë, kanë promovuar këtë produkt në sheshin “Nëna Terezë” në Prishtinë, raporton Ekonomia Online.

Në këtë ceremoni kanë marrë pjesë ministri i Bujqësisë, Pylltarisë dhe Zhvillimit Rural, Memli Krasniqi, ambasadori amerikan në Prishtinë, Greg Delawie .

Me këtë rast ministri i Bujqësisë, Memli Krasniqi, falënderoi USAID-in dhe Ambasadorin Delawie, dhe theksoi se shpargu është një nga kulturat që sjell përfitime të mëdha.

“Shohim se shumë prej kultivuesve arrijnë të marrin 4 000 kg rendiment për një hektar dhe shumë prej kultivuesve arrijnë që të shesin në një mesatare të kilogramit në sezon prej rreth 3 euro, që me të vërtetë janë përfitime jashtëzakonisht të mira, sidomos kur krahasohen me disa kultura tjera tradicionale me të cilat merren fermerët tanë”, u shpreh Krasniqi.

Ndërsa, Ambasadori ShBA-së në Kosovë, Greg Delawie, theksoi se shpargu është mbjell disa vite më parë në Kosovë, dhe gjatë sezonit të parë kultivuesit vendorë kanë shitur më shumë se 2 tonë.

“Që nga atëherë rritja ka qenë me të vërtetë e stërmadhe, kurse këtë vit presim që të kemi një shitje më shumë se 25 tonë të shpargut vetëm në tregun vendor dhe fitimi i kultivuesve do të jetë rreth 80 mijë euro”, tha ai.

“Hapi i ardhshëm i rëndësishëm është që të bëhemi gati për eksport në tregun evropian, fakti që kultivuesit kosovar mund ta vjelin këtë të mbjellë dy javë më herët se sa kultivuesit në Evropën veriore, ju jep një përparësi  të madhe në tregun ndërkombëtar”, tha ai.

Nga -

Ministria e Bujqësisë, Pylltarisë dhe Zhvillimit Rural (MBPZhR), ka organizuar konferencën e donatorëve në sektorin e bujqësisë, në të cilën përpos ministrit Memli Krasniqi, kanë marrë pjesë edhe kryeparlamentari Kadri Veseli, si dhe përfaqësues të organizatave ndërkombëtare të cilat ndihmojnë bujqësinë në Kosovë.

Aty u theksua se bujqësia duhet të jetë sektori dhe çështja më e rëndësishme e politikës, e cila përveç që ndikon në rritjen e punësimit ndikon edhe në ngritjen e mirëqenies së qytetarëve, raporton Ekonomia Online.

Ministri i Bujqësisë Memli Krasniqi tha se kjo konferencë ka për qëllim diskutimin e të arriturave të deritashme dhe sfidat që na presin për zhvillimin e bujqësisë.

“Qeveria e Kosovës vlerëson lartë punën e donatorëve dhe partnerëve. Qëllimi është të prezantojmë të arriturat dhe sfidat në të ardhmen. Gjate kësaj kohe zhvilluam partneritet të mirë dhe jam i bindur qe kjo do te vazhdojë. Qeveria e Kosovës e ka vendosur sektorin e bujqësisë në kuadër të prioriteteve të saj. Sektori i bujqësisë, pylltarisë dhe ai rural është sektor i rëndësishëm dhe merr pjesë rreth 12% të bruto prodhimit vendor”, ka thënë Krasniqi.

Ai ka paraqitur edhe rezultatet e punës për aq kohë sa është në këtë dikaster.

“Ne investuam shumë në grande duke e rritur këtë nga viti në vit”, ka pohuar Krasniqi.

Për MSA-në Krasniqi tha se e sheh si hap të mirë për të marrë pjesë në tregun evropian. Kurse sa i përket prioriteteve të kësaj ministrie tha se objektiv kryesore është rritja e vendeve të punës, rritja e produktivitetit dhe fuqisë punëtore në mënyrë që të zëvendësohet importi.

Veseli: Politikanët të merren me ngritjen e mirëqenies së qytetarëve

Kryeparlamentari Kadri Veseli ka thënë se ekonomia, në çdo kohë, duhet të jetë në epiqendër të qeverisjes dhe vendimmarrjes politike, sepse në kushtet e paqes e të lirisë, puna më e dobishme që mund të bëjnë politikanët e një vendi është të merren me ngritjen e mirëqenies së qytetarëve të vet përmes forcimit ekonomik.

Ai ka thënë se politikanët dhe politika në Kosovë po vazhdojnë fokusin më tepër në çështjet e interesit të tyre-luftës për pushtet, sesa interesin e qytetareve për jetë më të mirë, siguri jo vetëm fizike dhe për më tepër duan më shumë vlerësim dhe respekt për ta dhe shtetin e tyre.

“Sot në Kosovë politika është shkëputur nga qytetarët. Fakt i dhimbshëm, por i vërtetë. Është shkëputur nga prodhuesit, nga fermerët e zellshëm, të cilët edhe përkundër rreziqeve të ambientit të pasigurt biznesor, investojnë në tokën e Kosovës. Ata janë heronjtë e vërtetë të ditëve të sotme. Me punën e tyre ata mbajnë gjallë besimin se ky vend ka mundësi dhe do të gjejë rrugën e zhvillimit dhe prosperitetit”, ka thënë Veseli.

Veseli ka theksuar se kjo situatë duhet të ndryshoj urgjentisht dhe pikëpamja e tij është se, në rend të parë, duhet që fokusi kryesor i vendimmarrjes të kthehet tek qytetari për aq sa dhe investimi.

“Zhvillimi ekonomik si platforme e transformimit të vendit dhe roli i njeriut tonë i drejtpërdrejtë në vendimmarrje-përgjegjësi dhe benefit duhet dhe do të jetë primare. Pa zhvillim ekonomik nuk mund të ecim asnjë hap përpara në fushat tjera dhe pa involvimin  të të gjitha resurseve tona humane dhe natyrore në këtë zhvillim suksesi nuk mund të jetë i sigurt”, tha ai.

“Vetëm zhvillimi ekonomik sjell uljen e treguesve negativ sikurse janë varfëria dhe papunësia masive. Vetëm qytetari jonë e ndien këtë me plagën e shkaktuar prej tyre si pasoj dhe vetëm ai mund ta ndërroj këtë gjendje”, theksoi Veseli.

Ai tha se duhet përfundimisht politika të kthehet tek qytetari dhe preokupimet e tija jetësore.

Chlad: Sektori i bujqësisë gjenerues i punësimit 

Përfaqësuesi i Zyrës së BE-së në Kosovë, Libor Chlad ka thënë së janë bërë shumë vite kur kanë identifikuar sektorin e bujqësisë si gjenerues i punësimit dhe të rritjes ekonomike.

“Asistenca jonë është zgjeruar për rritjen e kapaciteteve për të zhvilluar këtë sektor. 8 milionë euro janë dedikuar për sferën e granteve. Ne kemi pasur efekt të përhapjes së asistencës sonë për ngritje të produkteve të Kosovës. Sigurisht se sektori po përballet me shumë sfida”, ka thënë ai.

Nga -

Agjencia e Statistikave të Kosovës (ASK) ka publikuar të dhënat për “Pemëtarinë në Republikën e Kosovës” për vitin 2014. Ky është publikimi i tretë, që përfshin të dhënat nga Regjistrimi i

Bujqësisë, 2014. Por, në këtë publikim janë prezantuar edhe të dhënat për subvencionet dhe grantet investive në bujqësi, të dhënat nga anketat e ekonomive shtëpiake bujqësore, si dhe disa të dhëna nga Organizata për Bujqësi dhe Ushqim e Kombeve të Bashkuara (FAO).

Në këtë publikim janë paraqitur të dhënat për sipërfaqet e përgjithshme të tokës bujqësore, sipërfaqet me kultura të përhershme, sipërfaqet me pemë, si: Pemët farore, pemët bërthamore,
pemët thelbore, pemët e imta, fidanët e pemëve dhe makinat dhe mekanizmi ndihmës në ekonomitë bujqësore me plantacione të pemëve.

Të dhënat në këtë publikim janë prezantuar të agreguara në nivel të Kosovës, sipas rajoneve dhe sipas komunave (në disa raste). Në publikim janë prezantuar edhe madhësitë e klasave, si për nga numri i ekonomive bujqësore, ashtu edhe për nga sipërfaqja e plantacioneve të pemëve.

Rezultatet e Regjistrimit të Bujqësisë (RB) 2014 kanë treguar se nga sipërfaqja e përgjithshme e shfrytëzuar e tokës bujqësore, kulturat shumëvjeçare marrin pjesë me 1.9%.

Sipërfaqja tokësore e mbjellë me kultura shumëvjeçare është 7 788 ha. Pemët bëjnë pjesë ne grupin e kulturave shumëvjeçare dhe sipas të dhënave statistikore ky grup ka sipërfaqe prej 4
390 ha të mbjellë me pemë. Nga kjo, 3 519.66 ha janë plantacione të pemëve. Numri i Ekonomive Bujqësore me plantacione të pemëve është 11 677, ndërsa ekonomi bujqësore që
kultivojnë trupa të pemëve në mënyrë ekstensive janë 95 064.

Ekonomitë Bujqësore me plantacione të pemëve kultivojnë mesatarisht 0.3 ha. Shumica e sipërfaqes së plantacioneve të pemëve është e kultivuar me mollë (56.1%) dhe kumbull (19.9%). Mollët dhe kumbullat janë po ashtu llojet më të rëndësishme të pemëve të cilat kultivohen në pemishtet ekstensive të Kosovës (molla në këtë sektor është e përhapur me 34.3% dhe kumbulla 24.8%).

Në nivel global sipas statistikave të FAOSTAT-it, Kina zë vendin e parë në prodhimtarinë e frutave të pemëve 33.3 milionë tonë, e cila është gati gjysma e prodhimtarisë botërore, pastaj
vijnë SHBA 4.3 milionë tonë.

Ndërsa, rreth 14.3 milionë tonë mollë janë prodhuar në 28 shtete të BE-së në vitin 2014. Mollët janë prodhuar pothuajse në të gjitha shtetet anëtare të BE-së, por prodhuesit më të mëdhenj janë Polonia, Italia dhe Franca.

Sipas Regjistrimit të Bujqësisë në Republikën e Kosovës (RB) 2014, sipërfaqet e kultivuara të mollës në plantacion ishin gjithsej 1 973.19 ha. Sa i përket komunave, Istogu e ka sipërfaqen më të madhe të kultivuar me mollë 272.63 ha, pastaj komuna e Pejës ka 176.70 ha, e pasuar nga komuna e Gjilanit 126.06 ha, komuna e Prishtinës 111,93 ha, Ferizaj 104.28 ha, Malisheva 96.58
ha, Skenderaj 94.55 ha dhe 27 komunat e tjera (së bashku) rreth 990.46ha.

Sa i përket dardhës, Azia si kontinent është prodhuesi me i madh i dardhës 49.23 % të prodhimtarisë botërore, pastaj vjen Evropa me 21.35 %. Prodhuesi më i madh i dardhës është
Kina 15.2 milionë tonë, SHBA 0.74 milionë tonë. Prodhuesi më i madh i dardhës në Evropë në vitin 2010 (WAPA, 2012) ishte Italia (680 000 tonë), Spanja (456 000 tonë dhe Belgjika (285 000
tonë).

Nga -

Importi dhe konkurrenca jo e drejtë në treg e grurit dhe miellit në Kosovë ka ndikuar dukshëm tek bujqit duke ulur interesimin në mbjelljen dhe përpunimin e grurit. Sivjet janë afro 20 mijë hektarë të mbjella me grurë në raport me vitet e kaluara.

Fermerët kërkojnë nga shteti rritje më të madhe të subvencionimit në bujqësi, në mënyrë që të rritet prodhimi i grurit dhe që të jenë më konkurrentë të treg.

Sipas tyre, Kosova ka kapacitete për të prodhuar grurë dhe miell për 8.5 milionë banorë, por që këto kapacitete nuk janë duke u shfrytëzuar për shkak të kushteve të tregut ngase ka shumë vështirësi për eksportimin e miellit.

Para kamerës së Ekonomia Online ata kanë thënë se mielli që eksportohet në Kosovë nga vendet fqinje dhe më gjerë ka bërë që të disfavorizohet prodhimi vendor, për shkak të mbështetjes së madhe që u bëjnë ato vende eksportuesve.

Pal Gjuraj, nga Shoqata e Prodhuesve të Grurit ka shpjeguar arsyet e rënies së interesimit të bujqve që të merren me kultivimin e grurit.

“Arsyeja se përse në këtë vit kemi afro 20 mijë hektarë grurë më pak të mbjellë ka ndodhur për shkak se çmimi i grurit dhe miellit të cilin e prodhojnë bujqit e Kosovës ka qenë jo i barabartë me grurin që është importuar padrejtësisht nga shtetet e tjera”, ka thënë ai për Ekonomia Online.

Ai ka shprehur edhe pakënaqësitë e bujqve në raport me ndarjen e subvencioneve. Sipas tij kushti që iu është vënë bujqve për të drejtën e përfitimit nga subvencionet vetëm sa po i demotivon ata.

“Bujqit e Kosovës marrin 150 euro subvencion për një hektar por kushti që ti ketë minimum 2 hektarë për të drejtë konkurrimi konsiderohet i padrejtë, për këtë arsye kemi kërkuar që subvencionimi të bëhet për rendiment dhe jo për hektar, sepse gjysma e fermerëve po mbeten jashtë kësaj skeme e që po ndikon negativisht në motivim dhe në prodhim të mëtutjeshëm”, ka theksuar Gjuraj.

Ndërsa Mustafë Aliaj, që merret me kultivimin e grurit kërkoi që subvencionet dhe grantet të cilat  ndahen nga Ministria e Bujqësisë, Pylltarisë dhe Zhvillimit Rural të rriten, pasi sipas tij, kjo do ta stimulonte bujkun madje edhe do ta zbuste konkurrencën e ashpër që vjen nga jashtë.

“Kërkesat tona janë te subvencionet dhe grantet të ngriten për arsye se konkurrenca e jashtme është shumë e madhe. Nëse subvencionet dhe grantet do të rriteshin atëherë fermerët do të stimuloheshin më shumë që të mbjellin grurin dhe të mbrojë produktin e vet“, ka thënë ai për Ekonomia Online.

Ai nuk la pa përmendur edhe procedurat burokratike me të cilat përballen gjatë aplikimit për të marrë subvencionet.

Ata i bënë thirrje konsumatorëve në vend që të konsumojnë sa më shumë prodhimin vendor, pasi që ata thonë se mielli që prodhohet brenda vendit është bio.

“Prodhimet vendore duhet pa tjetër të konsumohen sepse janë prodhime që prodhohen pa preparate të ndryshme dhe vetëm në sesi të normales dhe të kufizuar, sepse edhe kushtet ekonomike e kufizojnë dhe në këtë rast prodhimi i grurit është përafërsisht bio sepse ne nuk kemi mundësi deshëm apo s’deshëm që t’i furnizojmë me preparate të ndryshme, është  i shëndetshëm, i sigurt dhe i domosdoshëm në kuptimin e mbajtjes së familjeve tona të cilët tradicionalisht merren me kultivimin e grurit”, tha ai.

Sa i përket kompensimit të dëmeve nga vërshimet ata thonë se edhe pse është bërë evidentimi i dëmeve, pak nga ta janë kompensuar dëmet që iu janë shkaktuar.

Muhamet Farizi nga Shoqata e Prodhuesve të Grurit dhe Mullinjve ka thënë se Kosova ka kapacitet për të prodhuar grurë dhe miell për 8.5 milionë banorë.

Sipas tij, këto kapacitete nuk janë duke u shfrytëzuar për shkak të kushteve të tregut ngase ka shumë vështirësi për eksportimin e miellit.

Edhe pse tregu për eksportimin grurit ka mbetur vetëm Shqipëria bujqit thonë se edhe aty ballafaqohen me shumë vështirësi të cilat thonë se shteti fqinjë e ka miratuar një ligj, i cili aplikohet për të kontrolluar cilësinë e glotenit në miell, i cili ligj përdoret vetëm për miellin Kosovës dhe jo për miellin e Shqipërisë.

Ata thonë se Ministria e Bujqësisë në Shqipëri me këto forma po i favorizon mullisit e saj. Bujqit e Kosovës vazhdimisht kanë kërkuar nga institucionet e vendit  që të trajtohen ashtu si shtetet fqinje që i trajtojnë fermerët dhe produktet e tyre.

Nga -

Ministri i Bujqësisë, Pylltarisë dhe Zhvillimit Rural, Memli Krasniqi ka qenë një ndër folësit kryesorë në Forumin Global për Inovacione në Bujqësi, që po mbahet në Abu Dabi të Emirateve të Bashkuara Arabe. Në këtë forum po marrin pjesë përfaqësues të kompanive të mëdha botërore që merren me zhvillimin e bujqësisë, si dhe ministra e zyrtarë të lartë nga shtete të ndryshme.

Në fjalën e tij, Ministri Krasniqi prezantoi zhvillimet dhe sfidat e bujqësisë në Kosovë, duke i ndërlidhur ato me zhvillimet dhe sfidat edhe në nivelin global, duke konsideruar se e ardhmja do të jetë sfiduese për mbarë botën në sferën e sigurimit të ushqimit, për faktin se popullsia do të rritet dhe sektori i bujqësisë do të ballafaqohet me presione direkte nga rritja e urbanizimit dhe ndryshimet klimatike.

Sipas FAO-s, ne vitin 2050 botës i duhet të prodhojë 1 miliardë tonë më shumë drithëra dhe 200 milionë tonë më shumë mish, që paraqesin vetëm disa nga sifdat e mëdha për të siguruar ushqim të mjaftueshëm për njerëzimin.

“Sfida e përbashkët për të ushqyer botën në të ardhmen nuk mund të tejkalohet vetëm nga qeveritë apo vetëm nga sektori privat. Duhet të jetë një përkushtim dhe përpjekje e përbashkët e të gjithëve”, deklaroi ministrri Krasniqi.
Ministri Krasniqi shtoi se vendet e vogla nuk mund të ndikojnë shumë në zhvillimet e mëdha që ndërlidhen me inovacionin dhe teknologjinë në bujqësi, por shtoi se secili duhet ta ketë rolin e vet, përfshirë edhe vendet e vogla.

“Për shkak të shumë prioriteteve konkurruese, shtetet si Kosova nuk kanë mundësi që të investojnë fonde të mjaftueshme në hulumtim dhe zhvillim, edhe nëse kjo paraqet kthimin më të mirë të investimit në planin afatgjatë. Andaj, shumica e vendeve varen nga zgjidhjet e krijuara nga institucionet apo kompanitë e vendeve që kanë mundësi reale për të mbështetur inovacionin në bujqësi.”

Ne kuadër të vizitës së tij, Ministri Krasniqi ka takuar edhe përfaqësues të kompanive te ndryshme botërore, prezentë në Forum. Me interes të veçantë, ai zhvilloi një takim me z. Kristian Moeller, kryeshef ekzekutiv i Global G.A.P., organizatës krijuese dhe pronare të njërit prej standardeve ndërkombëtare me te rëndësishme ne sektorin e bujqësisë.

Gjatë takimit, ministri Krasniqi dhe z. Moeller u pajtuan që të konkretizohet bashkëpunimi me MBPZHR-ne, në mënyrë që fermerët e Kosovës të kenë qasje më të lehtë në proceset e certifikimit me standardin Global G.A.P., që konsiderohet një nga dëshmitë më të respektuara për sa i përket sigurisë ushqimore dhe cilësisë.

Hapja e Forumit u bë nga Thani Al Zeyoudi, Ministër për Ndryshime Klimatike dhe Mjedis në Qeverinë e Emirateve të Bashkuara Arabe, ndërsa bashkë me ministrin Krasniqi folës kryesor në ceremoninë e hapjes së Forumit ishte edhe Khadim Al Darei, Drejtor Menaxhues i Kompanisë Al Dahra.

Forumi Global për Inovacione në Bujqësi është eventi më i rëndësishëm global që trajton fushën e inovacioneve në sektorin bujqësor dhe ka dy edicione në vit, një për rajonin e Lindjes së Mesme dhe Azisë dhe një tjetër për Evropën.

Nga -

Rreth 500 hektarëve të tokës bujqësore në vit iu ndërrohet destinimi, duke bërë që toka bujqësore më bonitative të zvogëlohet nga viti në vit, flasin të dhënat zyrtare të institucioneve të Kosovës.

Asgjësimi i tokave bujqësore duke i shndërruar ato në zona industriale, objekte afariste e komerciale dhe banesa kolektive, kryesisht është bërë rreth magjistraleve në të gjitha komunat e Kosovës.

Idriz Gashi, shef i Divizionit për Tokën Bujqësore, që funksionon në kuadër të Ministrisë së Bujqësisë i tha Radios Evropa e Lirë se disa komuna ende nuk i kanë nxjerrë të dhënat se sa sipërfaqe të tokës bujqësore i ndërrohet destinimi për qëllime të tjera.

Megjithatë, sipas tij, janë bërë disa hulumtime të cilat tregojnë se sa hektarëve tokë bujqësorë në vit iu ndërrohet destinimi.

“Në bazë të disa analizave që i kemi bërë më ndihmën e ekspertëve nga Evropa llogaritet se në Kosovë për çdo vit humbin përafërsisht 400 deri në 500 hektarë tokë bujqësore në mënyrë të planifikuar apo të paplanifikuar”, thekson Gashi.

Kosova që nga viti 2005 ka në fuqi Ligjin për tokën bujqësore, i cili ka për qëllim krijimin e bazës ligjore për shfrytëzimin, mbrojtjen dhe rregullimin e tokës bujqësore.

Ky ligj parasheh edhe dënime për personat fizikë apo juridikë, të cilët ndërrojnë destinimin e tokës bujqësore apo e shfrytëzojnë atë për qëllime jobujqësore. Dënimi, sipas ligjit, parasheh një shumë prej 1.000 euro deri në 10.000 euro.

Imer Rusinovci, profesor në Fakultetin e Bujqësisë në Universitetin e Prishtinës, në një prononcim për Radion Evropa e Lirë, thotë se në Kosovë nuk po zbatohet legjislacioni në drejtim të ruajtjes së tokës bujqësore.

“Qeveritë nuk janë shumë të kujdesshme dhe fatkeqësisht ne kemi tjetërsime, keqpërdorime më barbare të tokës bujqësore, duke i keqpërdoruar ato që edhe ligji i sanksionon, sidomos klasën e parë dytë dhe të tretë bonitative të tokave, ku vërejmë ndërtime të egra, peizazhe më të zymta dhe krejt këto bëhen për qëllim të përfitimeve materiale në dëm të tokës më të pëlleshme bujqësore”, thekson Rusinovci .

Kjo gjendje e degradimit të tokës bujqësore, do të ketë kosto të papërballueshme për Kosovën në të ardhmen, thotë Rusinovci. Sipas tij, Kosova do të përballet me mungesë të prodhimit të produkteve bujqësore dhe vendi do të mbetet i varur nga importi.

“Problem madhor dhe kombëtar është menaxhimi i drejtë dhe i mirëfilltë i shfrytëzimit të tokës bujqësore. Duhet të ruajmë këtë tërësi sepse deri më tani jemi treguar të pamëshirshëm ndaj saj”, thekson Rusinovci.

Ndërkohë, përfaqësues të Sindikatave të bujqve ngrehin shqetësim se nga degradimi i tokave bujqësore, Kosova nuk po arrin të plotësojë nevojat për ushqim nga rendimentet e grurit.

Kryetari i Federatës Sindikale të Bujqve, Tahir Tahiri, në një bisedë për Radion Evropa e Lirë thotë se sipërfaqet e tokave bujqësore çdo vit po zvogëlohen dhe sipas tij, kjo po bëhet pa u vërejtur nga autoritetet kompetente.

“Toka jonë intensivisht po uzurpohet nga ndërtimet të cilat nuk janë të dedikuara për prodhimtari bujqësore dhe ne po humbim sipërfaqe çdo vit. Ne kemi edhe sipërfaqe të tokave të cilat janë lënë që nga pas lufta pa u punuara dhe aty mungon infrastruktura. Ne nuk po i rrisim sipërfaqet e tokave bujqësore por po i zvogëlojmë”, thekson Tahiri.

Kosova ka një sipërfaqe të përgjithshme prej 10 mijë e 887 kilometra katrorë.

Nga kjo sipërfaqe, sipas regjistrimit të fundit të popullsisë, ekonomive familjare dhe banesave, llogaritet se 53 për qind e tokës në Kosovë është bujqësore, 41 për qind tokë pyjore, një për qind sipërfaqe ujore kurse pesë për qind është sipërfaqe tjetër: si tokë trafiku, urbane dhe të tjera.

Nga -

Zëvendëskryeministri i Kosovës, Ramiz Kelmendi, vizitoi sot komunën e Pejës, ku u prit nga kryetari Gazmend Muhaxheri; vizitoi dy shkolla profesionale dhe biznese në këtë qytet.

Kelmendi tha se bashkë me kryetarin Muhaxheri kanë analizuar çështjet dhe kërkesat të cilat i ka Komuna e Pejës, por edhe mundësinë për investime në këtë komunë.

“Qeveria e Republikës së Kosovës në vazhdimësi është në mbështetje të proceseve të zhvillimit të bujqësisë, zhvillimit ekonomik dhe turizmit, në veçanti për shkak se Peja është një ambient ku mund të zhvillohet turizmi”, tha zëvendëskryeministri Kelmendi.

Meqenëse Buxheti i Republikës së Kosovës sivjet është shumë më i lartë dhe 45 për qind janë më shumë për investime kapitale, zëvendëskryeministri Kelmendi ka vënë theksin tek fillimi i investimeve lokale, në mënyrë që ky proces të ecë sa më shpejt dhe punimet e planifikuara të kryhen gjatë vitit kalendarik.

Kryetari i Komunës së Pejës, Gazmend Muhaxheri, tha se zëvendëskryeministrin Kelmendi e ka njoftuar për mundësitë e zhvillimit të mëtejshëm të komunës së Pejës, sidomos në sektorin e bujqësisë dhe turizmit.

“Kërkuam ndihmë nga zëvendëskryeministri që të angazhohet për zhvillim sa më të fuqishëm të këtyre dy sektorëve në Republikën e Kosovës, por me theks të veçantë në komunën e Pejës”, tha kryetari Muhaxheri.

Gjatë qëndrimit në Pejë, zëvendëskryeministri Kelmendi vizitoi edhe dy shkolla të kësaj Komune, Shkollën e Mesme Teknike, “Shaban Spahija” dhe Shkollën e Mesme të Lartë Ekonomike, “Ali Hadri”.

Duke inkurajuar të rinjtë që të mësojnë sa më shumë, zëvendëskryeministri Kelmendi, tha se shteti i Kosovës do të mbështetet në mësimet e tyre, në mënyrë që pas përfundimit të shkollimit ata të përzgjedhen në drejtimet e duhura, shumë të nevojshme për t’i avancuar proceset zhvillimore.

“Ky institucion është shumë i domosdoshëm për ekonominë e Kosovës, sepse shumë shpejt ekonomia e saj do të zhvillohet dhe do të arrijë shtetet tjera të regjionit, por edhe t’i tejkalojë. Jam i interesuar që niveli arsimor të ngritet dhe të arrijë në nivelin e duhur dhe me këtë rast, ftoj stafin edukativ-arsimor që të punojë jashtëzakonisht shumë, në mënyrë që këta të rinj t’i orientojmë në rrugën e duhur”, tha zëvendëskryeministri Kelmendi.

Më tej, zëvendëskryeministri tha se industria dhe ekonomia ka nevojë për profilet e këtyre drejtimeve.

“Profilet e tilla, pra nxënësit që mësojnë nga literatura që jepet në këto shkolla, gjithmonë gjejnë punësim dhe punësimet e tyre janë të qëndrueshme dhe të përhershme dhe kanë të hyra jashtëzakonisht më të mëdha, sesa profilet tjera. Ju inkurajoj që të arrini sa më shumë dhe të bëheni pjesë e shtetndërtimit dhe zhvillimit të Republikës së Kosovës”, tha zëvendëskryeministri Kelmendi.

Drejtori i Drejtorisë së Arsimit në Komunën e Pejës, Besim Avdimetaj, tha se pasi që arsimi profesional është shpallur prioritet edhe nga Qeveria e Kosovës, nxënësit e kësaj shkolle e kanë gjetur veten në ekonominë e vogël dhe në punët tjera.

“Në këtë lloj shkollimi, që do të ofrohet nga shteti i Kosovës, në të ardhmen do jeni pjesë e zhvillimit të tij dhe pjesë e zhvillimit të shumë fushave dhe segmenteve në Evropë dhe më gjerë”, tha drejtori Avdimetaj, duke theksuar se arsimi profesional është bazë e mirë e zhvillimit të ekonomisë së shtetit.

Ndërsa, drejtorët e të dy shkollave u shprehën të kënaqur me vizitën e zëvendëskryeministrit Kelmendi, duke marrë parasysh se ai ka qenë mësimdhënës dhe e kupton rolin dhe rëndësinë që ka arsimimi i të rinjve.

Gjatë ditës, zëvendëskryeministri Ramiz Kelmendi i shoqëruar nga kryetari i Komunës, Gazmend Muhaxheri, u takua edhe me përfaqësues të bizneseve nga Komuna e Pejës, të cilët i informoi për prioritetet e Qeverisë së Kosovës në zhvillimin ekonomik dhe përmirësimin e ambientit të të bërit biznes.

Gjatë bashkëbisedimit zëvendëskryeministri Kelmendi i njoftoi përfaqësuesit e bizneseve se Qeveria është duke punuar për finalizimin e pakos së dytë fiskale, e cila do të krijojë lehtësira të ndryshme ekonomike.

Zëvendëskryeministri Kelmendi, ka inkurajuar përfaqësuesit e bizneseve që të jenë pjesë e Forumit Ekonomik që do të mbahet më 31 janar në Romë të Italisë, si mundësi e mirë për shkëmbimin e përvojave nga fusha ekonomike.

Përfaqësuesit e bizneseve të Komunës së Pejës shprehën kënaqësinë për prezencën e zëvendëskryeministrit Kelmendi para të cilit paraqitën kërkesat e tyre për nevojën e investimeve nga Qeveria e Kosovës në këtë rajon, si dhe për krijimin e lehtësirave për bizneset.

Nga -

Ministria e Bujqësisë, Pylltarisë dhe Zhvillimit Rural (MBZhR), ka marrë vendim për mbylljen e sezonit të gjuetisë për periudhën 2016 – 2017.

Sezoni i gjuetisë për lloje të caktuara të kafshëve të egra në tërë territorin e Republikës së Kosovës, ishte hapur me 6 nëntor të këtij viti, ndërkaq mbyllja e tij do të bëhet me 26 dhjetor të këtij viti.

Mbyllja e sezonit të gjuetisë është bërë me kërkesën e Departamentit të Pylltarisë në MBPZhR, i cili ka vlerësuar se ka zvogëlim të kafshëve të egra, krejt kjo si pasojë e gjuetisë ilegale, degradimit të habitateve natyrore e sidomos pyjeve, kushteve të pavolitshme klimatike dhe për shkak të menaxhimit joefikas të faunës së egër.

Këtë vendim obligohet që ta zbatojnë Agjencia Pyjore e Kosovës, Federata e Gjahtarëve të Kosovës, menaxherët e vendgjuetive, Agjencia e Ushqimit dhe Veterinarisë, si dhe Drejtoritë Komunale për Bujqësi, Pylltari dhe Zhvillim Rural.